Iz sezone u sezonu čitamo vijesti o nekulturnim turistima koji prave haos širom obala i remete javni red i mir, a najviše takvih priča redovno stiže iz najvećeg dalmatinskog grada Splita.

Zato je u jednom splitskom liftu osvanula molba za turiste na engleskom i na hrvatskom jeziku.

Fotografija molbe objavljena je u Fejsbuk grupi Split i okolo Splita, a u njoj stoji:

Naš grad postoji 1.700 godina. Molimo poštujte ga.
Cijenite našu kulturnu baštinu i znamenitosti.
Fontane nisu namjenjene kupanju. Za to imamo desetine plaža.
Ulicama našeg grada prošli su milioni turista, mislite i na one koji će doći nakon vas.
Dvorišta crkvi nisu toaleti.
Ne vičite u noćnim satima ulicama grada. Ljudi spavaju u svojim stanovima.
Ne valjajte se pijani po ulici. Gledaju vas naša djeca.
Komentatori oduševljeni
Čini se da se mnogi Splićani slažu sa napisanim jer su komentari krenuli da pljušte.

“Treba staviti u svaku zgradu”, “Ovo se odnosi i na naše sugrađane”, “Bravo”, samo su neki od njih.

Ipak, bilo je i onih koji smatraju da su to ipak prestroga pravila za turiste.

“Ma da, najbolje nabiti zgradu apartmanima i očekivat da se turisti ponašaju ko na misi”, napisala je jedna osoba, prenosi b92.