Katarina Grujić ovog vikenda proslavila je 31. rođendan koji je dočekala na nastupu u Ljubljani, a nakon iznenadnog pojavljivanja najboljih drugarica na tom radnom putovanju u Beogradu je proslavila divan dan sa najmilijima.

Njen suprug Marko Gobeljić dočekao je u njihovom domu koji je bio pun cvijeća i bombonjera koje su oduševile pjevačicu, a prema pisanju domaćih medija na poklon od svog dragog dobila je skupocijenu narukvicu brenda „Cartier“.

-Kaća je u subotu doputovala iz Ljubljane, gdje je imala nastup, a Gobelja i kćerka Katja su je sačekali u njihovom stanu sa cvjetnim aranžmanima, tortom u obliku srca i jagodama u čokoladi. Kaća je skakala od sreće kad je vidjela muža i kćerku! Odmah se presvukla i otišli su porodično u obližnji restoran, gdje ju je sačekao specijalan poklon. Na stolu je, naime, stajala kutijica njenog omiljenog brenda „kartije“, a unutra je bila narukvica. Kaća je zaplakala od sreće! Narukvica je prilično skupa, čula sam da ju je Marko platio čak 26.000 evra-, ispričala je pjevačicina drugarica, koja je insistirala na anonimnosti.

Inače, ovo je treći poklon brenda „kartije“ koji je Kaća dobila od muža! Fudbaler Crvene zvezde je pjevačici poklonio narukvicu tog brenda kada je rodila kćerku Katju u decembru 2021, a u februaru ove godine, na Dan zaljubljenih, dao joj je još jednu!

-Pošto je ovo treća narukvica tog brenda koju je dobila od Gobelje, predložili smo joj da uzme umjetničko ime Kaća Kartije!-, završava priču pjevačicina drugarica.