U Ankari je odjeknula eksplozija u blizini zgrade turske korporacije TUSAŠ, proizvođača vojnih aviona i svemirske opreme, a razlozi još nisu jasni, javila je agencija IHA.

Šef turskog Ministarstva unutrašnjih poslova rekao je da ima poginulih i povrijeđenih. Incident je nazvan terorističkim napadom.

– Na tursku vazduhoplovnu i svemirsku industriju u Ankari, u distriktu Kahramankazan, izvršen je teroristički napad. Nažalost, nakon napada imamo ranjene i poginule. Na lice mjesta poslate su snage bezbjednosti, vatrogasne jedinice i medicinski timovi- rekao je ministar unutrašnjih poslova Ali Jerlikaja, a prenosi IHA.